Аймағамбетов студенттердің стипендиясы қалай көтерілетінін түсіндірді
Студенттердің стипендиясы бюджеттен бөлінетін қосымша қаражат есебінен көтеріледі, деді брифингте Білім және ғылым министрі Асхат Аймағамбетов, деп хабарлайды zakon.kz тілшісі.
- Республикалық бюджеттен қосымша қаражат бөлінеді. Есеп-қисаптары бар, - деді Аймағамбетов.
Оның сөзінше, бакалавриат, магистратура, докторантурада оқитын студенттердің стипендиясы 25%-ға көтеріледі.
- Бұған ешқандай кедергі жоқ. Президенттің бұл тапсырмасы уақытымен орындалады. Тек ЖОО студенттері үшін ғана жылына шамамен 13 млрд теңге. Бұған колледждерде оқитын студенттерді қоссақ, бұл тағы шамамен 5-6 млрд теңге. Бұл өте үлкен сома, бірақ мен мұны маңызды шешім деп санаймын, - деп қосты министр.
Министр студентердің стипендиясы 2016 жылдан бері көтерілмегенін, бұл жаңалықты студенттер көптен күтіп келгенін айта кетті.
- Бұл жерде стипендияның бәріне бірдей 25%-ға көтерілетінін айту керек. Өйткені бізде оқу үлгеріміне, мүгедектігі немесе асыраушыдан айырылғанына байланысты жоғары стипендия алатын тұлғалар да бар. Түрлі санаттар бар, бұл жерде барлық санаттар үшін стипендия 25%-ға көтеріледі, - деп түсіндірді БҒМ басшысы.
- Жастар жылының жабылуында Қазақстан Президенті Қасым-Жомарт Тоқаев 2020 жылдың 1 қаңтарынан бастап студенттердің стипендиясын 25%-ға көтеруді тапсырған болатын.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:33, 18 сәуір 2024
Иран Израильге қарсы жүргізілген операция аяқталғанын мәлімдеді
-
21:35, 18 сәуір 2024
Бектенов: Қазақстан Үкіметінің күш-жігерін Еуроодақтың қолдау бағдарламаларымен үйлестіру маңызды
-
21:29, 18 сәуір 2024
56 млн теңгенің контрабандасы бойынша күдікке ілінген ер адам Түркиядан Қазақстанға жеткізілді
-
21:19, 18 сәуір 2024
Қарин қазақ-қырғыз зиялылары мен шығармашылық өкілдерінің форумына қатысты
-
20:57, 18 сәуір 2024
Алматы облысында бес оқушының бояудан уланғанын аудандық әкімдік жоққа шығарды