13 жыл бойы пара алғандарға күтпеген жерден жеңіл жаза кесілді

09:45, 10 желтоқсан 2019
352

Павлодардағы атышулы сот процесінде күдіктілерге күтпеген жерде жеңіл жаза кесілді. Зейнетақы төлеу орталығы, облыстық еңбек департаменті және жалған зейнеткерлер мемлекет қаржысын жымқырғаны үшін айыпталған-ды. Жең ұшынан жалғасқан сыбайлас топ мүшелері 13 жыл бойына әрекет етіп келіпті, деп хабарлайды zakon.kz КТК телеарнасына сілтеме жасап.

Олар пара алып, зейнет жасына әлі толмаған тұрғындарды «құрметті демалысқа» жіберіп отырған. Алған пара мөлшері мәселенің шешілуіне қарай құбылып отырады. Тіпті, бір миллион теңгеге дейін жетеді. Осылайша жалған зейнеткерлердің құжаттарын екі санат бойынша: Семей ядролық полигонының аумағында тұрғандар және көпбалалы ана деп рәсімдеген. Масқара болғанда аталған көп балалы аналардың кейбірінің мүлде перзенті болмай шықты. Ал мемлекетке келтірілген шығын 117 миллион теңге. Басында айып тағылғандардың саны шенеуніктермен қосқанда 40 адам болса, сот үкімі 16 адамға ғана шықты. Сот мемлекеттік зейнетақы төлеу орталығының экс-қызметкерлері мен жалған зейнеткерлерді 2 жылдан 4 жылға дейін шартты түрде бас бостандығынан айырса, қалғандары жазадан мүлдем босатылған.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!