45 жастағы Талдықорған тұрғыны 9 келі «кепкен шөппен» ұсталды

12:28, 19 мамыр 2020
145

Алматы облысы ПД қызметкерлері ірі көлемде есірткі заттарын сақтады деген күдікпен ер адам ұстады, деп хабарлайды zakon.kz.

"Арнайы іс-шара барысында бұған дейін қылмыстық жауапкершілікке тартылған 45 жастағы қала тұрғыны қолға түсті. Оның мекенжайына санкцияланған тінту жүргізу кезінде үш жарым грамм марихуана тәркіленді. Одан әрі оның гаражын тексеру барысында ішіне 9 килограмға жуық гашиш салынған полиэтилен пакеті табылды. Күдіктінің мекенжайынан табылған есірткі заттарының барлығы тәркіленіп, іс материалдарына айғақзат ретінде тіркелді. Тергеу барысында тиісті сараптамалар тағайындалды", - деді облыстық Есірткі бизнесіне қарсы күрес басқармасының бастығы полиция полковнигі Қазбек Мухамедов.

Қазіргі уақытта ҚР Қылмыстық кодексінің 296-бабының 2,4- тармағына сәйкес аса ірі көлемде есірткі заттарын сақтау дерегі бойынша сотқа дейінгі тергеу амалдары жүргізіліп жатыр. Күдікті азамат уақытша ұстау изоляторына қамаққа алынды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір