Жириновскийден туған ұлы бас тартты

17:29, 23 мамыр 2022
457


Ресейлік саясаткер, ЛДПР партиясының бұрынғы жетекшісі, қайтыс болған Владимир Жириновскийдің ұлы, РФ Мемдумасының бұрынғы вице-спикері Игорь Лебедев аты мен тегін өзгертіп жіберді.

Бұл туралы Телеграмдағы Baza және Жаба и гадюка арналары хабарлады. Кей дерек бойынша ол Давид Гарсия деген атпен испан төлқұжатын алған.

Бір болжамға сенсек, бірнеше жыл бұрын әкесі мен ұлының қарым-қатынасы нашарлап кеткен. Жириновскийдің ұлы әкесінің саяси көзқарасымен келіспей, саясаттан кететінін және басқа ел азаматтығын алатынын мәлімдеген көрінеді.

Екінші болжам бойынша, ол 2014 жылы Қырымға байланысты ЕО-ның санкция тізіміне іліккеннен кейін азаматтығын, тегін өзгертуді ойластырған.

Игорь Лебедевтің Испанияда бизнесі және үй-жайы бар. Алайда мамандар Жириновскийдің ұлы мұндай қулықпен санкция құрығынан сытылып кете алмайды деп санайды. Әкесінен бас тартқаны аз, енді кемінде бет-әлпеті мен саусақ таңбасын өзгертуі керек болады дейді.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!