Яндекс.Таксиге Қазақстанның тағы 4 қаласы қосылды
Алматы. 15 наурыз. 7kun.kz – Яндекс.Такси сервисі Талдықорған, Екібастұз, Теміртау және Жезқазғанда жұмыс істей бастады. Бұл туралы компанияның баспасөз қызметі хабарлады.
Талдықорған, Екібастұз, Теміртау және Жезқазғанға барудың ең төменгі құны 150 теңгеден аспайды. Ол автокөлік жіберу мен 2 шақырым жолдан тұрады. Талдықорған, Екібастұз және Теміртауда – бір шақырым 50 теңге, Жезқазғанда – 60 теңгеден аспайды.
Мысалы, Талдықорғанда 180 теңгеге облыстық әкімдіктен теміржол станциясына дейін жетуге болады. Ал, Жезқазғандағы Ғарышкерлер саябағынан «Шынар» дүкеніне дейінгі жолақы шамамен 150 теңгені құрайды. Қала шекарасынан тыс жердегі әрбір километр үшін жолақы 90 теңгеден аспайды.
«Тапсырысты жылдамырақ жеткізе алатын жүргізушіге автоматты түрде жібере отырып, біз автокөлік жіберудің уақытын азайтамыз. Жолаушыны тасымалдау барысында сол жолдағы өзге де тапсырыстарды іздейміз. Осының бәрі жол жүрісінің құнын төмендетеді: жүргізушілер көп тауып, ал жолаушылар аз төлейтін болады», – дейді Қазақстандағы Яндекс.Такси директоры Тамирлан Шапиев.
Қызмет тек такси тұрақтары және диспетчерлік қызметтермен жұмыс істейді. Өтінімдерді таратқанда қосымшада жүргізушіге берілген бағалаулар және жасалған сапарлар статистикасына негізделген жүргізуші рейтингісі ескеріледі. Сонымен бірге, әр қалада қосымшаға бірнеше серіктес таксопарктен жүзден астам автокөлік қосылған.
Айта кетейік, Қазақстанда бұл қызмет 2016 жылы шілде айында пайда болды. Содан бері Яндекс.Такси еліміздің 20 қаласында, оның ішінде барлық облыс орталықтарында жұмыс істеп келеді.
Біздің Telegram-парақшамызда Қазақстанның маңызды жаңалықтары. Жазылыңыздар!
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл