Ұлттық банк «Цеснабанкке» қатысты мәлімдеме жасады
Алматы. 8 ақпан. 7kun.kz – Қазақстан Ұлттық банкі төрағасының орынбасары Олег Смоляков «Цеснабанк» АҚ-тың қаржылық тұрақтылығына байланысты түсініктеме берді, – деп хабарлайды бас банктің баспасөз қызметі.
«Үкімет пен Қазақстан Ұлттық банкі іске асырған шаралар кешені және «Цеснабанк» АҚ-қа жаңа инвестор тарту «Цеснабанк» АҚ-ты қалыпқа келтіруге мүмкіндік берді. Қазіргі уақытта банкте Қазақстан Ұлттық банкінің ең төменгі талаптарынан асатын капиталдандыру және өтімділік көрсеткіштері бар. «Цеснабанк» АҚ өтімділігі жоғары активтердің елеулі қорына ие, бұл банкке клиенттер мен кредиторлар алдындағы өз міндеттемелерін толық көлемде орындауға мүмкіндік береді», – деп атап өтті О.Смоляков.
Оның айтуынша, банк міндеттемелерінің көпшілігі банкті қорландырудың тұрақты базасымен қамтамасыз ете отырып, ұзақ мерзімді сипатқа ие. Бұны банк облигацияларының депозиттерге арақатынасы көрсетіп отыр. Ол жүйе бойынша 20 пайыздан аспайтын орташа көрсеткіштен бірнеше есе артық.
«Сонымен қатар, «Цеснабанк» АҚ кредит портфелінің құнсыздануынан болған барлық ықтимал шығындарды өтеу үшін жеткілікті сомаға қосымша провизия қалыптастырды. Сондай-ақ «Цеснабанк» АҚ бұрын Қазақстан Ұлттық банкі ұсынған тұрақтандыру қарызын толық көлемде өтеді. Осылайша, «Цеснабанк» АҚ толық қалыпқа келтіріліп, әдеттегі режімдегі қызметін жүзеге асыруды және клиенттері мен салымшылары алдындағы міндеттемелерін орындауды жалғастырады», – деді ол.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл