Тұрмысы төмен отбасыларды баспанамен қамтамасыз етуге қанша қаражат бөлінеді

Алматы. 16 қыркүйек. 7kun.kz – 2022 жылға қарай көп балалы және аз қамтылған отбасылар үшін тұрғын үйге 240 млрд теңгеден астам қаражат бөлінеді. Құрылыс және тұрғын үй-коммуналдық шаруашылық істері комитетінде қаражаттың қалай бөлінетіні туралы хабарлады.

Ведомствоның мәліметінше, 2019 жылы 82,8 млрд теңге қарастырылған. Оның 50 млрд теңгесі – әкімдіктерде кезекте тұрған аз қамтылған көп балалы отбасылар үшін, сондай-ақ 32,8 млрд теңгесі – әкімдіктерде кезекте тұрғандардың әлеуметтік жағынан осал санаттары үшін.

2020-2022 жылдары әкімдіктерде кезекте тұрғандар үшін жыл сайынғы қаржыландыруды 50 млрд теңгеден 84 млрд теңгеге дейін арттыру ұсынылып отыр. Осының есебінен жыл сайын 10 мың отбасы тұрғын үймен қамтамасыз етіледі. Сондай-ақ, 2020-2025 жылдары кезекте тұрғандардың қалған әлеуметтік осал санаттары үшін 197 млрд теңге қажет (жыл сайын 32,8 млрд теңге). Бұл 36 мың отбасын жалдамалы баспанамен қамтамасыз етеді.

Сонымен қатар, комитет жалдамалы тұрғын үй алу шарттары туралы хабарлады.

«Табысы жоқ немесе отбасының бір мүшесіне кедейлік шегінен төмен жалақысы бар кезекте тұрғандарға (21,5 мың теңге) сатып алусыз әлеуметтік жалға берілетін тұрғын үй беріледі», — деп атап өтті ведомствода.

Бұған дейін 40 шаршы метрге дейін жылжымайтын мүлікті 29 жылға жалға алу 10-12 мың теңге тұрады деп хабарланған болатын.

Сонымен қатар, Тұрғын үй құрылыс жинақ банкінің «Бақытты отбасы» «2-10-25» жеңілдікті несие беру бағдарламасы бұрынғысынша көп балалы, толық емес отбасылар үшін жұмыс істейтін болады. Табысы кедейлік шегінен жоғары мүгедек балалары бар отбасыларға (42,5 мың теңге) әлеуметтік көмек көрсетіледі. Ол бойынша ипотека 25 жыл мерзімге 2%-бен беріледі. Бастапқы жарна – пәтер құнының 10%-ы.

«5-20-25» бағдарламасы бойынша әкімдіктердің несиелік тұрғын үйіне кедейлік шегінен жоғары табысы бар, отбасы мүшесіне 2 АЕК дейін (85 мың теңгеге дейін) кезекте тұрғандар үміткер бола алады.

Табысы 2 АЕК-тен асатын қазақстандықтар «7-20-25», «Баспана-хит», «КИК-Орда», «Өз үйім» және т.б. бағдарламаларын пайдалана алады.

Сонымен қатар, ведомствоның мәліметінше, қазіргі уақытта әкімдіктерде тұрғын үйге мұқтаждардың ресми есебінде 38,2 мың отбасы тіркелген.

Источник: 7kun.kz