Түркістан облысынан мұнай табылды
Алматы. 19 қараша. 7kun.kz — Қазақстанның экология, геология және табиғи ресурстар министрлігі Қаратау тауларында боксит іздеу кезінде мұнай көріністері байқалғаны туралы мәлімдеді.
Министрлік мұнай көріністері алғаш рет таудың таяз тереңдігінде кездескенін атап өтті. Нақты орны — Түркістан облысы Шақпақ учаскесіндегі палеозой дәуірінде пайда болған тауаралық ойыс.
«Іздеу-түсіру экспедициясы Үлкен Қаратау Леонтьев ойысындағы геофизикалық ауытқуларға боксит кені жəне онымен байланысты қорғасын, мырыш жəне сирек жерлерді табу үшін зерттеу жүргізді. Осы мақсатта 300 м дейінгі тереңдіктегі ұңғыма бұрғыланды. Бұрғыланған түрлі тереңдіктегі 39 ұңғыманың 11 қоңыр түсті түрлі реңктегі сұйық-тамшылы мұнай табылды. Сондай-ақ бұрғылау кезінде бұрғылау ерітіндісінде мұнай қабықшасының шығарылуы жəне осы бұрғылау ерітіндісінің газдануы байқалды», — деп хабарлады ведомствода.
Шақпақ учаскесіндегі мұнайдың бұл көріністері — Қазақстанның таулы жерлеріндегі біріншісі және Сырдария мен Шу-Сарысу ойпаттарының мұнай-газ әлеуетін болжау үшін маңызды.
Бұған Шу-Сарысу ойпатында бірнеше ұсақ газ кен орындары ашылды, олардың ішінде ең танымал: Амангелді және Придорожное кен орындары.
«Енді Сырдария мен Шу-Сарысу ойпаттары мұнай іздеу үшін перспективаға айналады», — деп атап өтті министрлікте.
Айта кетейік, учаскеде барлау және бұрғылау жұмыстары жалғасады.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл