Шымкент инвестиция өсімі бойынша көш бастап тұр

Алматы. 24 шілде. 7kun.kz – 2018 жылы Шымкент инвестиция көлемі бойынша көшбасшы болды, — деп хабарлайды Статистика комитеті.

Статистикалық мәліметтерге сәйкес, Шымкентке 2017 жылға қарағанда 262,2% — ға артық инвестиция салынды. Одан әрі Атырау облысы-135,5%, Қызылорда облысы – 128,3% көшбасшылардың үштігін жабады. Инвестициялардың ең аз көлемі Ақмола (99,2%) және Павлодар (78,6%) облыстарында тіркелді.

«2018 жылы машиналар, жабдықтар, көлік құралдар, саймандарды алуға және олардың күрделі жөндеуіне 3597,5 млрд теңге бағытталған, бұл 2017 жылмен салыстырғанда 14,9%-ға жоғары», — делінген хабарламада.

Құрылым бойынша негізгі капиталға салынған инвестицияны ғимараттар құрылысы мен жөндеумен айналысатын компаниялар алды – 46,6%. Одан кейінгі орындарда көлік қызметтері, жабдықтар саласындағы кәсіпорындар – 32,2%.

«Инвестициялау үшін басым салалар  кен өндіру өнеркәсібі және карьерлерді қазу (40,2%), көлік және қоймалау (13%), жылжымайтын мүлікпен жасалатын операциялар (12,6%) және өндеу өнеркәсібі (11,1%) болып табылады», — делінген хабарламада.

Источник: 7kun.kz