Шариғатқа сәйкестендіріліп исламдық криптовалюта шығарылады

17:22, 20 ақпан 2018
402

Алматы. 20 ақпан. 7kun.kz — HelloGold GOLDX криптовалютасын және онымен операция жасау үшін Малайзиядағы қаржылық реттеушінің рұқсатын алды, деп хабарлайды Reuters.

Шариғат заңына сәйкестендіріп, компания мұсылман әлемінде жұмыс істеу үшін қажетті бірқатар шарттарды қабылдауға келісті. Токендер Сингапурда сақталатын алтын резервтік компаниямен қамтамасыз етіледі. Сонымен қатар, GOLDX-пен барлық транзакциялар белгілі бір уақыт аралығында өтуі тиіс.

Бұған дейін HelloGold Малайзияда блокчейн технологиясына негізделген ұялы қосымшаны іске қосты. Оның көмегімен алтын сатып алуға және сатуға болады.

Компания өкілі HelloGold Оңтүстік-Шығыс Азиядағы басқа елдердің нарықтарында, әсіресе, Тайландта жұмыс істеуді көздеп отырғанын айтады.

2017 жылдың күзінде Малайзия Орталық банкінің басшысы Мухаммад Ибрахим елде криптоварлардың ережелерін ислам нормаларына сәйкес реттейтінін айтты. Негізгі талаптарына сәйкес, ол операцияларды толық бақылап, пайдаланушыларды анықтайды.

Мұсылмандық криптовалютаны құру жоспары 2016 жылы БАӘ-де айтылған. Arabcoin шариғат заңына сәйкес келуі керек. Ол несиелендіру ережелеріне елеулі шектеулер енгізеді.

Біздің Telegram-парақшамызда Қазақстанның маңызды жаңалықтары. Жазылыңыздар!


Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!