Нұр-Сұлтандағы камераларға 168 мың жол ережесін бұзу оқиғасы түскен

Алматы. 18 сәуір. 7kun.kz – 2019 жылдың басынан бері Нұр-Сұлтандағы бейнетіркеу камераларына 168 мың жол қозғалыс ережесін бұзу оқиғасы түскен, деп хабарлайды қаладағы Полиция департаментінің баспасөз қызметі.

Қазіргі таңда Нұр-Сұлтан көшелерінде 1 798 фото және бейнетіркеу құралы орнатылды. Олар жылдамдық режимінің бұзылуын, қоғамдық көлік үшін бөлінген жолақтан өту (Bus Lane), тоқтау сызығының қиылысуы, сондай-ақ бағдаршамның тыйым салатын сигналына өту және басқа да бұзушылықтарды анықтай алады.

Полиция қызметкерлерінің айтуынша, ҚР ӘҚБтК 810,811-баптарына сәйкес, азаматтар жеті тәулік ішінде 50% жеңілдікпен айыппұл төлеуге құқылы. Бүгінгі күні айыппұлды egov.kz электрондық үкімет порталында, qamqor.gov.kz сайтында (фотосуретпен бұзушылықтарды қарау мүмкіндігімен), екінші деңгейдегі банктердің есеп айырысу-кассалық бөлімшелерінде, сондай-ақ мобильдік қосымшаларда он-лайн режимінде төлеуге болады. Осы тәсілдерді пайдаланған жағдайда айыппұлдың өтелгені автоматты түрде деректер базасына түседі және азаматтарға ішкі істер органдарына квитанция берудің қажеті жоқ.

Источник: 7kun.kz