Наурызда бөлшек депозиттер 8 трлн теңгеге дейін төмендеді

Алматы. 23 мамыр. 7kun.kz – 2018 жылғы наурызда бөлшек депозиттер 0,4%-ға (35,4 млрд теңге) 8,1 трлн теңгеге дейін төмендеді. ҚР ҰБ-нің жалпы депозиттік портфелі сол кезеңде біршама азайды – 0,2% (40,2 млрд теңге), 16,4 трлн теңгеге дейін. Жалпы портфелдегі бөлшек депозиттердің үлесі 49,3%-дан 49,2%-ға дейін төмендеді, деп хабарлады Ranking.kz.

Сонымен бірге, ЕДБ-нің бөлшек депозиттері жыл басынан бері 6,7%-ға (510,2 млрд теңгеге) артып, өсімді көрсетіп келеді. Жалпы алғанда, депозиттер нарығындағы ақша ағымы 1,1%-ды құрайды.

Наурызда бөлшек депозиттердің көлемін ҚР нарығындағы 32 банктің ішінен 20-сы ұлғайтты.

Kaspi Bank 7,8 млрд теңге (0,9%) өсімімен көш бастады. Бөлшек депозиттердің көлемі 889,2 млрд теңгеге жетті. Жылдық өсім 135,8 млрд теңгені (18%) құрады. ҚР ЕДБ үлесі 10,9%-дан 11%-ға дейін өсті. Бұл бір жыл бұрын 9,9%-ды құраған болатын.

Ең қызығы, Астана Банкі наурыз айында (Қазақстан Республикасы Президентінің сынына дейін және банк рейтингісінің күрт төмендеуі) өсім тұрғысынан екінші орынды иеленді. Ай сайынғы өсім 5,6 млрд теңгені (7,4%) құрады. Бұл 81,5 млрд теңге болды. Бір жыл ішінде 40,1 млрд теңгеге екі есе өсім байқалды. ҚР ЕДБ бір айдағы үлесі 0,9%-дан 1%-ға дейін өсті. 2017 жылдағы 0,5%-ды құраған.

Алғашқы үштікке, сондай-ақ Нұрбанк кірді. Оның өсімі 5 млрд теңгеге (5,2%) артып, 102,2 млрд теңгеге жетті. Жыл ішіндегі кіріс 32,8 млрд теңгені (47,2%) құрады. ҚР ЕДБ үлесі 1,2%-дан 1,3%-ға дейін, бір жыл бұрын – 0,9%-ға өскен.

Источник: 7kun.kz