Мұнай бағасы 53 долларға дейін төмендеп кетті

10:49, 11 қаңтар 2017
486

Мұнай өндіруші мемлекеттердің өндіріс көлемін азайтқаны туралы хабарлағанына қарамастан, Brent маркалы мұнай 53 долларға дейін арзандап кетті деп хабарлайды LS.

2017 жылдың басынан бері мұнайдың бағасы алғаш рет 54 доллардан төмендеп, барреліне 53,7 долларды құрады. Соңғы рет мұндай баға 2016 жылдың 7 желтоқсанында болған еді.

Бағаның төмендеуі АҚШ пен Ираннан жеткізілетін мұнай көлемінің артуына байланысты. Бұл мұнай өндірісін төмендетуге тырысып жатқан ОПЕК және басқа да мемлекеттердің еңбегін зая етті.

Естеріңізге сала кетейік, осыған дейін Сауд Арабиясы, БАӘ, Ресей, Кувейт, Катар мен Ирак пен ОПЕК елдері мұнай алуды 60-70 пайызға қысқартқанын хабарлаған еді. Қазақстан да өндірісті күніне 20 мың баррельге дейін азайтқанын жариялаған. ОПЕК 30 қарашада мұнай өндірісін тәулігіне 1,2 млн баррельге, ал күніне 32,5 млн барельге дейін қысқартуға бірауыздан шешім шығарған болатын. Ал 10 желтоқсанда Қазақстан мен Ресей және  картельге мүше емес өзге елдер күніне 600 мың баррельге дейін ғана мұнай өндіруге келіскен еді.

Дереккөз: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!