Мирзиеевті Ташкент жолдарындағы жүргізушілер қорқытты

Ташкент. 12 маусым. 7kun.kz – Өзбекстан президенті өзі көлік тізгініне отырып, Ташкент көшелерін бір жарым сағат бойы аралады, деп хабарлайды 7kun.kz Repost-ке сілтеме жасап.

Ташкент жолдарындағы жағдай Шавкат Мирзиеев үшін күтпеген жағдай болды.

«Кеше мен Ташкентті бір жарым сағат аралап шықтым. Көлік жүргізу мүмкін емес. Үлкен көшелерден өте алмадым. Қаншама тәртіп бұзушылық пен кептеліс. Әр жүргізуші өз білгенін істейді. Бұны көріп қорқып кеттім. Мен таңқалдым», – деді Мирзиеев.

Өзбекстан президенті алған әсерімен жерүсті айналма метросының екінші кезеңінің құрылысымен танысу барысында бөлісті.

Источник: 7kun.kz