Министрлік: Finprom агенттігінің ақпараты шындыққа жанаспайды
Finprom.kz сараптама агенттігінің Ұлттық экономика министрлігі ақпаратына негізделіп жасалған зерттеуі бойынша, 2016 жылы металл өндіруші кәсіпорындарда жұмысшылар саны бес мың адамға қысқарған. Ал инвестиция және даму министрлігі бұл ақпаратты жоққа шығарады. Бұл туралы Sputnik басылымы жазды.
Finprom.kz сайтында жарияланған ақпаратқа сүйенсек, Қазақстанның тау-кен кәсіпорындарында кең көлемде қысқартулар жүргізіліп жатыр – бір жыл ішінде металлургтер саны бес мың адамға төмендеді, ал осы секторда жұмыс істеп тұрған кәсіпорындар екі есе азайған.
Алайда ҚР инвестиция және даму министрлігі Finprom.kz порталының бұл сарапатамасынан хабарсыз болып шықты. Инвестиция және даму вице-министрі Алик Айдарбаев басылымның ресми сұранысына берген жауабында бұл ақпараттың өтірік екенін жеткізіп, «Finprom.kz порталының тау-кен кәсіпорындарынан бес мың жұмысшының қысқарғаны туралы ақпараты шындыққа жанаспайды», — деп жазған.
Бірінші вице-министрдің айтуынша, 2010-2016 жылдары тау-кен өндіру саласындағы жұмысшылар саны 193,7 мыңнан 290,1 мыңға дейін көбейген.
«Осылайша, жұмысшылар санының өсуі 96,4 мың адамды құрады, яғни Finprom.kz порталының ақпараты шынайы көрсеткіштерге сәйкес келмейді. Тау-кен саласындағы қиындықтарға қарамастан, тұрғылықты өсім байқалады», — деп жазады Айдарбаев.
Дереккөз: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл