М.Есенбаев Қазақстан және Таиланд азаматтары үшін визасыз режим енгізуді ұсынды
Қазақстанның Таиландтағы елшісі Марат Есенбаев Корольдіктің премьер-министрі Прают Чан-о-чаға Бангкоктегі кездесу барысында Қазақстан және Таиланд азаматтары үшін визасыз режим енгізуді ұсынды.
Бұл туралы ҚР СІМ баспасөз қызметі хабарлайды. Елші Таиланд үкіметінің басшысын Қазақстанның ағымдағы саяси және әлеуметтік-экономикалық дамуының негізгі бағыттарымен таныстырып өтіп, Мемлекет басшысының «Қазақстанның үшінші жаңғыруы» саясатын іске асыру аясында екі ел кәсіпкерлері үшін мүмкіндіктер ашылатынын атап өтті.
Кездесу барысында тараптар дипломатиялық қарым-қатынастар орнауының 25 жылдығына орай құттықтау сөздерімен бөлісіп, ынтымақтастықтың даму динамикасын және Қазақстан-Таиланд өзара іс-қимылының одан әрі даму перспективаларын талқылады.
П. Чан-о-ча елшіге Қазақстан-Таиланд қарым-қатынастарын дамытуға қосқан үлесі үшін алғыс білдіріп, соңғы жылдары екі ел арасындағы қарым-қатынастардың сапалы жаңа деңгейге көтерілгенін атап өтті және өзара тиімді әріптестіктің даму қарқынының одан әрі қолдау табарына сенім білдірді.
Елші премьер-министрге Қазақстан мен Таиланд азаматтары үшін визасыз режим енгізуді ұсынды. Марат Есенбаев визалық талаптарды алып тастау туристер мен кәсіпкерлердің өзара ағымының артатынына және екіжақты ынтымақтастықтың барлық салаларындағы практикалық өзара іс-қимылдың алға басатынына ықпал ететінін атап өтті.
Премьер-министр М.Есенбаевты қолдап, Таиланд барлық ішкі мемлекеттік рәсімдер аяқталғаннан кейін визалық талаптарды алып тастау туралы үкіметаралық келісімге қол қоюға дайын екенін жеткізді.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл