ҚМГ мен Linde AG газ өңдеу саласында ынтымақтасады

16:26, 6 желтоқсан 2019
434

Алматы. 06 желтоқсан. 7kun.kz — ҚазМұнайГаз және Linde Aktiengesellschaft (Linde AG) неміс трансұлттық химиялық компаниясы Қазақстан аумағында табиғи және ілеспе мұнай газын кәдеге жарату және өңдеу саласында, оның ішінде технологияларды беру, кадрлар даярлау және тәжірибе алмасу саласында ынтымақтастық туралы Меморандумға қол қойды. Бұл туралы компанияның баспасөз қызметі хабарлады.

Құжатқа Қазақстан Президентінің Германияға мемлекеттік сапары аясында қол қойылды.

«Бүгін қол қойылған өзара түсіністік туралы меморандум газ өңдеу бағытына жаңа серпін беретініне сенімдімін, ал біздің болашақ серіктестік Қазақстан экономикасы мен еліміздің мұнай – газ кешеніне инвестиция, технологиялар, жаңа жұмыс орындарын әкеледі», — деп атап өтті өз сөзінде ҚМГ басқармасының төрағасы Алик Айдарбаев.

Сонымен қатар, 2019 жылдың қазан айында ҚМГ және Linde AG мамандары Қазақстанның Маңғыстау облысындағы Жаңаөзен қаласында газ өңдеу зауытын салу жобасын іске асыру аясында бірлескен кәсіпорын құру мүмкіндігін талқылады.

Linde — бұл өнеркәсіптік және медициналық газ өндіру және машина жасау саласындағы жетекші әлемдік компания. Оның сату көлемі 2018 жылы шамамен 28 млрд долларды құрады.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір