Қазақстанның қай қалаларында жылу тарифі қымбат

Алматы. 24 қыркүйек. 7kun.kz – 2019 жылдың 1 қаңтарынан бастап ҚР Үкіметі коммуналдық қызмет тарифтерін төмендетті. 2018 жылғы желтоқсаннан бастап 2019 жылғы қаңтарға дейін жылу төлемі 5,5%-ға қысқарып, бір ГКал үшін 3 769,92 теңгені құрады. Ақпан айында орталық жылыту тарифі ҚР бойынша орташа есеппен 8,7%-ға, бір Гкал үшін 3 441,20 теңгеге дейін төмендеді және 2018/2019 жылғы жылыту маусымының соңына дейін осы деңгейде сақталды. Бұл туралы Finprom.kz хабарлады.

2019 жылғы тамыз айының соңында бір ГКал бағасы ҚР бойынша орташа алғанда 3 440,4 теңгені құрады — өткен жылдың тамызымен салыстырғанда 14%-ға төмен. Бұған дейін жыл сайын орталық жылыту тарифтерінің орташа есеппен 6,7%-ға өсуі байқалған. Ең жоғары жылдық өсім 2016 жылдың тамыз айының соңында тіркелді — бірден 23,7%-ға, бір ГКал үшін 3714,9 теңгеге дейін.

Орталық жылыту тарифінің едәуір төмендеуі — Көкшетауда: бірден 62%-ға, 1 Гкал үшін 1614,44 теңгеге дейін, бұл Қазақстан қалалары арасындағы ең төмен жылу бағасы. Тарифтің арзандауы бойынша Шымкент екінші орынға ие болды: 25,3%-ға, бір Гкал үшін 5 103,73 теңгеге дейін. Талдықорған алғашқы үштікті түйіндейді, онда жылу бағасы 20,1%-ға төмендеп, Гкал үшін 910,1 теңгені құрады.

Көкшетаудан басқа жылыту тарифі төмен қалалардың үштігіне Павлодар (2 221,58 теңге) және Нұр-Сұлтан (2 335,78 теңге) кіреді. Ең жоғары тарифтер — Алматыда (5 426,87 теңге), Шымкентте (5 103,73 теңге) және Атырауда (4 810,84 теңге).

Бұған дейін хабарланғандай, көмірдің талап етілетін көлемінің 24,5%-ы ғана Нұр-Сұлтан жылу көздеріне жеткізілген.

«Отын дайындаудың төмен қарқыны Ақтөбе облысында – 16,6% (37,4 мың тонна 6,2 мың тонна), Нұр-Сұлтан қаласында – 24,5% (523,5 мың тонна 128,5 мың тонна), Алматы қаласында – 34,5% (50,2 мың тонна 17,3 мың тонна), Қызылорда облысында – 42,6% (223,9 мың тонна 95,3 мың тонна). Елдің, әсіресе солтүстік аймақтардағы ауа-райы жағдайын ескере отырып, жергілікті атқарушы органдарға кезектен тыс кезеңде халық арасында дүрлігуді болдырмау мақсатында бюджеттік ұйымдар үшін көмір дайындауды алдын ала ұйымдастыру ұсынылды», — деді Индустрия және инфрақұрылымдық даму министрі Бейбіт Атамқұлов Үкімет отырысында.

Источник: 7kun.kz