Қазақстанға экспортталған 26 тонна зарарланған жеміс кері қайтарылды

Алматы. 7 қараша. 7kun.kz — Ауыл шаруашылығы министрлігінің инспекторлары Қазақстанға 61 тонна зарарланған және әлеуетті қауіпті импорттық дәнді дақылдарды, жидектерді, көкөністер мен жемістерді әкелуге тыйым салды, деп ведомствоның баспасөз қызметі хабарлады.

Тауарлар қазақстандық тұтынушыға Ресейден, Қытайдан және Өзбекстаннан әкелінген.

Атап айтқанда, 22 тонна құрма мен мандариндерден қауіпті карантиндік зиянкестер — қара цитрусты Aleurocanthus woglumi Ashby және Pseudococcus comstocki құрттары табылды.

Сонымен қатар, қаптамада таңбаның болмауына байланысты карантиндік инспекторлар 26 тоннадан астам құрма, 4,5 тоннаға жуық жүзім, 2,5 тоннаға жуық қызанақ және 126 кг лимон әкелуге тыйым салды. Фитосанитариялық сертификаттың болмауына байланысты 5 тонна бидай Қазақстан нарығына жіберілмеді.

Сондай-ақ, бұрын белгіленген тыйым салуларға сәйкес Өзбекстаннан қол жүгі арқылы карантинге жатқызылған өнімді әкелудің бірнеше оқиғасы анықталды.

Бір апта ішінде Түркістан, Қостанай, Ақмола және Алматы облыстарында жоғары фитосанитарлық тәуекелдегі өсімдік өнімдерін заңсыз әкелудің 15 әрекеті жойылды. Барлық жүктер Өзбекстан, Ресей және ҚХР-ға қайтарылды, бұл ретте кінәлі тұлғалар әкімшілік жауапкершілікке тартылды.

Еске сала кетейік, ҚР Президенті Қ. Тоқаев «ҚР кейбір заңнамалық актілеріне агроөнеркәсіптік кешенді реттеу мәселелері бойынша өзгерістер мен толықтырулар енгізу туралы» жаңа заңға қол қойды. Сонымен қатар, заң күшіне енгеннен кейін ветеринария және фитосанитария саласындағы барлық бақылау-қадағалау функциялары ҚР Ауыл шаруашылығы министрлігіне бекітілген.

Источник: 7kun.kz