Қазақстандықтар 26 мың жеңіл автокөлік сатып алған
Алматы. 2 тамыз. 7kun.kz – 2018 жылдың 6 айында Қазақстанда 214,3 млрд теңгеге 25 989 жаңа жеңіл автокөлік сатып алынды, деп хабалайды «ҚазАвтоӨнеркәсіп» автокөлік саласындағы кәсіпорындар одағы.
Жеңіл автокөліктің орташа құны 8 179 150 теңгені құрады және өткен жылғы сәйкес кезеңмен салыстырғанда, 3,3 пайызға өсті.
Бірінші жартыжылдықтың қорытындысы бойынша сатып алушылардың үштен бірінен астамы 5 млн теңгеден қымбат емес көліктерді таңдады.
Сонымен, нарықтың 19,7%-ы немесе автокөліктердің 5,1 мыңы 3,5-5 млн теңге аралығында саудаланғаны байқалды.
Бұдан бөлек, 3,5 млн теңгеге дейінгі бюджеттік сегменттегі көліктердің сатылымы елеулі (19,1%) болды, яғни жарты жылда 4 964 автомобиль өткізілді.
Мұнымен қоса, 5-7 млн теңге аралығында бағаланған техниканың 20,6 пайызы (5 344 көлік) сатылды.
Сатып алушылардың 15,6 пайыздан астамы құны 7-10 млн теңге тұратын көліктерді (4 066 автокөлік) таңдады.
Бизнес (10-15 млн теңге) пен премиум санаттағы (15 млн теңгеден жоғары) сегменттер сәйкесінше 14,5 пайыз және 10,5 пайызға жетті.
Жарты жылдың қорытындысы бойынша қолжетімдігі жоғары модельдердің рейтингінде отандық автокөліктер өтімді болды.
Баға жағынан 2,59 млн теңгеден басталатын Lada Granta қолжетімдірек болды. Ең қолжетімді автомобильдердің ТОР-10 қатарына Ravon Nexia (2,75 млн теңге), Ravon R2 (2,78 млн теңге), Lada Kalina (2,93 млн), Lada 4×4 (3,1 млн), Ravon R4 (3,25 млн), Renault Logan (3,55 млн), Lada 4×4 Pickup (3,65 млн), Ravon Gentra (3,73 млн) және Chevrolet Niva (3,99 млн) енді. Ең қымбат модельдер рейтингінде Porsche 911 Turbo (66,9 млн теңге), Porsche Panamera (54,6 млн теңге) мен Lexus LC (45,6 млн теңге) көш бастады.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл