Қазақстандықтар бизнес ашуға асығар емес

10:20, 22 тамыз 2019
97

Алматы. 22 тамыз. 7kun.kz – Қазақстанда жұмыс істеп тұрған шағын және орта бизнес субъектілерінің саны бір жыл ішінде 6,5%-ға, 44,7 мыңға дейін азайды. Олардың жұмыс істеп тұрған барлық ШОБ субъектілерінің үлесі бір жыл ішінде 17,7%-дан 15,2%-ға дейін қысқарды. Бұл туралы Energyprom.kz хабарлайды.

Жұмыс істеп тұрған шағын және орта бизнестің ең көп саны Алматы қаласында тіркелген: 17,6 мың — бұл өткен жылмен салыстырғанда 19,7%-ға көп.

Екінші орында — Нұр-Сұлтан: 4,7 мың — өткен жылдың сәйкес кезеңімен салыстырғанда 49,6% -ға аз. Алматы облысы үздік үштікті түйіндеді : 3,4 мың компания — бұл 2018 жылдың шілдесінің аяғымен салыстырғанда 2,6%-ға аз.

Жаңадан ашылған ШОБ субъектілерінің ең көп үлесі қызмет көрсету және орналастыру саласына келеді — 23% немесе 1,2 мың.

Екінші орынды автокөліктер мен мотоциклдерді сату және жөндеу алады: 19,7% немесе 15,7 мың. Электрмен жабдықтау, газ, бу беру және ауаны кондиционерлеу саласында жұмыс істеп тұрған ШОБ субъектілерінің саны да айтарлықтай өсті: жаңа кәсіпорындардың үлесі 19,1% немесе 197 кәсіпорын.

Источник: 7kun.kz


Пікір