Қазақстанда жұмыссыздардың саны 16%-ға өсті

Алматы. 10 желтоқсан. 7kun.kz — Қазақстанда жұмысқа мұқтаж адамдардың саны бір жыл ішінде 16,5%-ға өсті және бұл Еуразиялық экономикалық одақ елдері арасындағы ең жоғары көрсеткіштердің бірі.

2019 жылдың қазан айының қорытындылары бойынша Қазақстанның жұмыспен қамту қызметтерінде 165,8 мың адам тіркелген. Бұл ретте 2018 жылдың қазан айының соңында олардың саны 142,3 мың болды, осылайша еңбекке мұқтаж қазақстандықтардың саны 16,5%-ға өсті.

ЕАЭО статистикасы бойынша бұл өсім Қырғызстандағы көрсеткіштен кейінгі екінші нәтиже, онда жұмыспен қамту органдарындағы азаматтардың саны бір жыл ішінде 18,8%-ға — 70,1 мыңнан 83,3 мыңға дейін өсті.

Сондай-ақ, өсім Ресейде тіркелген, онда жұмыспен қамту органдарында 645,4 мың адам тіркелген, бұл өткен жылмен салыстырғанда 2,2%-ға артық.

Одақтың басқа елдеріне келетін болсақ, оларда жұмыс істеуге мұқтаж адамдар аз. Мәселен, Арменияда олардың саны бір жыл ішінде 5,6% — 65,6 мыңнан 61,9 мыңға дейін, Беларусьте — 23,8%-ға 14,3 мыңнан 10,9 мыңға дейін төмендеді.

Айта кетейік, ЕАЭО-ның барлық елдерінің жұмыспен қамту қызметтерінде тіркелген адамдардың саны бір жылда 4,7%-ға — 923,7 мыңнан 967,3 мың адамға дейін өсті.

Источник: 7kun.kz