Қазақстанда жалақының нақты құны өсті

Алматы. 1 тамыз. 7kun.kz – 2018 жылдың бірінші жартысында Қазақстандағы нақты жалақы 2017 жылдың сәйкес кезеңімен салыстырғанда 1,8% -ға өсті. Дегенмен, бұл өсім Еуразиялық экономикалық одақтағы ең аз көрсеткіш болып отыр.

Еуразиялық экономикалық комиссиясының деректері бойынша, Армениядағы нақты жалақы 1,9% -ға (2018 жылдың басынан бері) өсті. Қырғызстандағы нақты жалақы 4,7% -ға артты.

Өз кезегінде, Ресейде 2018 жылдың бірінші жартысында нақты жалақы 2017 жылдың бірінші жартыжылдығымен салыстырғанда 8,7% -ға, Белоруссияда – 13%-ға өсті.

Осылайша, Қазақстандағы нақты жалақы өсімі 1,8% ЕАО елдерінің арасында ең төмен болды.

Номиналды жалақыға келетін болсақ, 2018 жылдың бірінші жартысында Қазақстанда 157 мың теңгеден асты, бұл 2017 жылдың сәйкес кезеңімен салыстырғанда 8,3%-ға жоғары.

Арменияда бірінші жартыжылдықтың қорытындысы бойынша бұл көрсеткіш 168,4 мың драма (4,4%), Қырғызстанда – 15,4 мың сом (+ 7,4%), Ресейде – 42, 5 мың рубль (+ 11,2%), Белоруссияда – 911 рубль (+ 18,3%).

Источник: 7kun.kz