Қазақстанда ветеринарлардың жалақысы 23%-ға өсті

Алматы. 22 қараша. 7kun.kz — 2019 жылдың үш тоқсанының қорытындысы бойынша ветеринария саласындағы орташа айлық жалақы 112 мың теңгеге жетті — 2018 жылдың қаңтар-қыркүйек айларында 91,2 мың болған. Мұндай деректерді finprom.kz ұсынды.

Бұл ретте өсім бірден 22,8%-ды құрады, инфляция есебімен сатып алу қабілетінің нақты өсуі — 16,7%.

Салыстыру үшін: ҚР бойынша жалақы өсімі тек 14,6%-ға жетті, инфляцияны есепке алғанда нақты өсім — 8,9%.

Дегенмен, жалпы экономика секторлары бойынша орташа жалақы мал дәрігерлік қызмет саласына қарағанда айтарлықтай жоғары: 181,9 мың тг.

Есептік кезең қорытындысы бойынша ветсектордағы қызметкерлердің тізімдік саны 87 мың адамға жетті — өткен жылмен салыстырғанда 2,7%-ға артық. Нақты саны 8,4 мың адамды құрады.

Бірінші жартыжылдықтың қорытындысы бойынша ветеринария саласындағы қызметтер көлемі тек 15,9 млрд теңгеге дейін қысқарды — өткен жылы 18,6 млн теңгеге(14,5% -ға төмендеді). Қазақстанның 17 аймағының 10-ы теріс көрсеткішті тіркеді.

Ветеринариялық қызмет көрсету көлемінің ұлғаюын көрсеткен аймақтар арасындағы ең үлкен өсу Түркістан (жылына 32,8%), Атырау (+ 25,6%), Қостанай (+ 15,5%) және Ақтөбе (+ 13,6%) облыстарында байқалды.

Айта кетейік, Ақтөбе облысының ауыл шаруашылығында кадрлардың тапшылығы байқалады. Өңірге 400-ден астам маман-ветеринар, агроном, зоотехник және машинист қажет.

Источник: 7kun.kz