Қазақстанда пайдалануға берілетін тұрғын үй көлемі азайды
Алматы. 13 тамыз. 7kun.kz — 2019 жылдың қаңтар-шілде айының қорытындысы бойынша республикада пайдалануға берілген тұрғын үй алаңы 3,7 пайызға төмендеді, деп хабарлады Индустрия және инфрақұрылымдық даму министрі Роман Скляр.
«Тұрғын үй құрылысы бойынша 7 айдың қорытындысында 6,5 млн шаршы метр тұрғын үй пайдалануға берілді. Тұрғын үйді іске қосу пайызы жылдық жоспарға 50%-ды құрады. Республика бойынша барлығы 55 849 тұрғын үй (оның ішінде 24 013 жеке үй) тапсырылды», – деді ол Үкімет отырысында.
Тұрғын үйді іске қосу көлемінің өсуі өткен жылмен салыстырғанда жеті өңірде жалғасты. Тұрғын үйді пайдалануға беру бойынша көшбасшы Түркістан (өткен жылдың ұқсас кезеңімен салыстырғанда 130,9%), Қызылорда (128,7%), Қостанай (118,6%) облыстары болды. Тұрғын үйді іске қосу қарқынының төмендеуі Маңғыстау облысында (87,7%) және Нұр-Сұлтанда (64,1%) байқалады.
Министрдің пікірінше, жылдық жоспарға қол жеткізу бойынша қабылданған міндеттемелерді орындау үшін (өткен жылмен салыстырғанда тапсырылған тұрғын үйді 5%-ға арттыру), аталған әкімдіктер өз жұмысын жандандыруы қажет.
Жалпы құрылыс бойынша нақты көлем индексі 2019 жылдың қаңтар-шілде айларында 111,5%-ды құрады. Оң динамика сегіз өңірде байқалады. Көшбасшы Қызылорда (275,5%), Қарағанды (193,6%), Атырау (129%) болды. Айта кету керек, қазіргі таңда Қызылорда – Жезқазған –Теміртау – Нұр-Сұлтан газ құбыры салынып жатыр.
Көрсеткіштің төмендеуі үш өңірде тіркелді: Маңғыстау (-30,4%) облысында және Нұр-Сұлтан (-12,5%) және Шымкент (-34,4%) қалаларында.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл