Қазақстан ислам банкингін дамытуда ТМД-ның көшбасшысы атануы мүмкін
Алматы. 16 тамыз. 7kun.kz — ТМД елдеріндегі ислам банкингі алдағы бес жылда өте төмен базадан едәуір өседі. Билік қабылдаған шаралар бұған ықпал етеді, делінген Moody’s Investors Service рейтинг агенттігінің есебінде.
«ТМД елдері арасында ислам банкингін дамытудағы көшбасшылар Қазақстан, Қырғызстан, Тәжікстан және Өзбекстан болуы мүмкін. Бұл елдерде мұсылман халқы үлкен үлеске ие, ал осы елдердің үкіметтері исламдық қаржыландыруды дамыту үшін қолайлы заңнамалық және реттеуші база құруға ұмтылады»,- деп есептейді Moody’ s агенттігінің кіші вице-президенті – талдаушысы Светлана Павлова.
Қазақстан билігі 2025 жылға қарай банк секторы активтерінің жалпы көлеміндегі Ислам банк активтерінің үлесін ағымдағы 0,2%-дан 3%-ға дейін ұлғайтуға ниетті. Қырғызстанда Ұлттық банк бұл үлесті ағымдағы 1,4%-дан 2021 жылға қарай 5%-ға дейін арттыруды жоспарлап отыр.
ТМД елдерінің көпшілігінде ислам банкингін дамытуды тежейтін реттеушілік кедергілер бар.
Мысалы, исламдық қаржыландырудың көптеген стандартты мәмілелерінің бөлігі болып табылатын активтерді сатып алу және қайта сату, егер билік арнайы бұйрықпен осы операцияларды салық салудан босатпаса, оларға ҚҚС салынады.
Кейбір елдерде ислам банктеріндегі депозиттер мемлекеттік депозиттерді сақтандыру жүйелерімен қамтамасыз етілмейді.
Сонымен қатар, исламдық банктер орталық банктер ұсынатын дәстүрлі өтімділік пен қаржыландыру желілерін пайдалана алмайды, өйткені мұндай желілер пайыздық мөлшерде ұсынылады.
Мұның бәрі ислам банктерінде әдеттегі банктермен салыстырғанда қорландырудың жоғары құны мен жоғары операциялық шығындар бар екенін білдіреді.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл