Қазақстан Германиямен 2 млрд долларға бағаланатын келісімге қол қоюға мүдделі

Алматы. 04 желтоқсан. 7kun.kz — Қазақстан президенті Қасым-Жомарт Тоқаев ГФР-на мемлекеттік сапары кезінде Германиямен 2 млрд долларға келісім пакетіне қол қоюғды жоспарлап отыр.

«Қазақстан үшін Германия — негізгі еуропалық әріптес. Германияның Орталық Азиямен саудасының 86%-ы Қазақстанға тиесілі. Сапар барысында, мен 2 млрд долларға жуық сомаға шамамен бағалаулар бойынша келісімдер пакетіне және меморандумға қол қойылады деп үміттенемін», — деді Қасым-Жомарт Тоқаев Германияға сапары қарсаңында Deutsche Welle-ге берген сұхбатында.

Сондай-ақ, ол 2018 жылы Қазақстан мен ЕО арасындағы тауар айналымы 37 миллиард доллардан асқанын еске салды, бұл елдің сыртқы саудасының жартысы.

«Біздің экономикамызға Германия инвестицияларының 80%-дан астамы шикізаттық емес секторға тиесілі. Бұл өте маңызды», — деді президент.

Германия — машина жасау, ресурстық материалдарды өңдеу саласындағы әлемдік көшбасшы, сондықтан Қазақстан ынтымақтастыққа мүдделі.

«Осылайша, барлық қызықты салалар әлеуетті неміс инвесторларына ұсынылады. Сонымен қатар, олар үшін біз арнайы жағдайлар ұсынып, он арнайы экономикалық аймақта алаңдар береміз», — деді Мемлекет басшысы.

Айта кетейік, Қазақстан Президентінің Германияға мемлекеттік сапары 5-6 желтоқсанда өтеді. Сапар барысында канцлер Ангела Меркельмен келіссөздер жоспарланған, оның барысында мемлекет басшылары екіжақты қарым-қатынастардың жай-күйі мен даму перспективаларын қарайды. Сапар бағдарламасына, сондай-ақ, ҚР президентінің Франк-Вальтер Штайнмайермен және Бундестаг төрағасы Вольфганг Шойблемен кездесулері кіреді.

6 желтоқсанда Берлинде Қасым-Жомарт Тоқаев көрнекті саясаткерлер мен қоғам қайраткерлері, Германияның мемлекеттік органдарының өкілдері, «Германия — Орталық Азия» парламенттік достық тобының мүшелері алдында сөз сөйлейді. Берлин Еуразиялық Клубының 28-ші отырысына қатысады, сондай-ақ, неміс компанияларының басшыларымен кездесулер өткізеді.

Источник: 7kun.kz