Қаңтарда тұрғын үйді сатып алу-сату мәмілелерінің саны 21,4%-ке артты

Алматы. 13 ақпан. 7kun.kz – 2019 жылдың қаңтарында Қазақстанда 19 885 тұрғын үйді сатып алу-сату мәмілесі тіркелді, бұл 2018 жылдың сәйкес кезеңімен салыстырғанда 21,4%-ке артық, – деп хабарлайды ҚР ҰЭМ Статистика комитеті.

19 885 сату мәмілесінің 4 986-ы жеке үйлерге және 14 899-ы көппәтерлі тұрғын үйлердегі пәтерлерге тиесілі болды.

Мәмілелердің ең көп саны Астана (3 611 мәміле), Алматы (2 874) қалаларында және Ақтөбе облысында (1 199) байқалды.

Ең аз мәмілелер елдің Қызылорда және Солтүстік Қазақстан облыстарында жасалды.

Өткен аймен салыстырғанда мәмілелер саны 8,5%-ке азайды.

Источник: 7kun.kz