Интернет-дүкендер мемлекеттік сатып алудың жаңа әдістерінің бірі болады

Алматы. 14 тамыз. 7kun.kz — Заңды жобалау жұмыстары арқылы енгізілетін «негіздемелік келісім» жаңа әдісі шеңберінде сатып алу мерзімі 45-тен үш-бес күнге дейін қысқарады. Бұл туралы ҚР Қаржы вице-министрі Руслан Бекетаев мәлім етті.

«Қаржы министрлігі қабылдаған шараларға қарамастан, айтарлықтай аз сатып алу бойынша бір көздің үлесі әлі де жоғары. Егер цифрларда айтар болсақ, бұл шамамен 306 млрд теңге немесе барлық сатып алулардың 11%-ы. Бұл осындай заң шығару мүмкіндігі шеңберінде жүзеге асырылатын сатып алулар – тауарлар бойынша 100 ең төменгі есептік көрсеткішке дейін және жұмыстар мен қызметтер бойынша 500 есептік көрсеткішке дейін. Кейде біз клиенттер бір көзден сатып алу үшін сатып алуларды әдейі бөлшекке бөлетін жағдайларды кездестіреміз», — деді ол.

«Мысалы, тіпті былғары диванды бөліп сатып алуға болады деп айта аламын: теріні бөлек, осы диванға керек-жарақтарды бөлек және диванды бөлшектерімен бөліп-бөліп сатып алуға болады. Осы мәселені шешу үшін біз Қаржы министрлігі әзірлеп жатқан жаңа түзетулерде интернет-дүкен сияқты сатып алудың жаңа тәсілін енгізуді ұсынамыз», – деп толықтырды вице-министр.

Оның айтуынша, бүгінде сатып алушыға онлайн режимінде белгілі бір тауарды тез және бәсекелі негізде сатып ала алатын интернет-дүкендердің көптеген мысалдары бар.

Бұдан басқа, қаржы министрлігі жаңа заң жобасы аясында негіздемелік келісім деп аталатын сатып алудың жаңа тәсілін енгізбекші. Вице-министр негіздемелік келісім әлеуетті жеткізушілерді іріктеуге ғана емес, сонымен қатар тауарларды, жұмыстарды және қызметтерді сатып алу мерзімін қысқартуға мүмкіндік беретінін атап өтті.

«Шамамен 45 күннен 3-5 күнге дейін қысқарады. Егер егжей-тегжейлі айтар болсақ, негіздемелік келісім Еуропалық Одақтың барлық елдерінде қолданылады және олар мемлекеттік мекеменің іс жүзінде барлық қызметі ішінде жүзеге асырылатын осындай тауарларды, жұмыстар мен қызметтерді сатып алу үшін пайдаланылады. Мәселен, кеңсе тауарларын, бензин, автокөлік қызметтерін сатып алуға болады», — деді Бекетаев.

Сондай-ақ, оның айтуынша, биыл сәтсіз мемлекеттік сатып алулар бойынша бір көзден сатып алу 7%-ды құрайды, бұл өткен жылмен салыстырғанда сегіз есе аз. Мемлекеттік сатып алу бойынша үнемдеу жеті айдың қорытындысы бойынша 283 млрд теңгені құрайды.

Источник: 7kun.kz