Елімізде жарты жылда 421 нысан жекешелендірілді
Алматы. 3 тамыз. 7kun.kz – Жекешелендірудің кешенді жоспарына енген нысандардың 421-і сатылды, деп хабарлайды ОКҚ баспасөз қызметі.
«Ағымдағы жылдың 1 шілдесіндегі жағдай бойынша, жекешелендірудің кешенді жоспарына енген 887 нысанның 502-сі сауда-саттыққа шығарылып, оның 421-і сатылды. Осы нысандардың құны 216 млрд теңгені құрады», – деді ҚР Қаржы министрлігі Мемлекеттік мүлік және жекешелендіру комитеті төрағасының міндетін атқарушы Ғалымжан Ыбырайымов.
Оның ішінде 26 млрд теңгеге өткізілген 29 мүлік – республикалық меншік нысаны, 49 млрд теңгеге бағаланған 229 мүлік – коммуналдық меншік нысаны, 141 млрд теңге сомасындағы 163 ұлттық холдинг пен компания бар.
«Сонымен бірге, кешенді жоспардың 63 топ нысанының 15-сі 110,5 млрд теңгеге сатылды. Оның ішінде екеуі – республикалық меншіктің және 13-і – ұлттық холдингтердің меншігі болатын», – деді Ыбырайымов.
Оның айтуынша, биыл алғашқы жарты жылда 104 нысанды саудаға шығару жоспарланды. Іс жүзінде 89 нысан сауда-саттыққа шығарылып, 15 нысан бойынша қайта ұйымдастыру және тарату туралы шешім қабылданды. Саудаға қойылған нысандардың ішінде 39-ы 36 млрд теңгеге сатылды.
Мемлекеттік мүлік және жекешелендіру комитеті басшысының айтуынша, жекешелендіру процесі сату кестесіне сәйкес жүргізілуде.
«Ағымдағы жылдың соңына дейін 87 нысан сауда-саттыққа шығарылады, оның ішінде республикалық меншіктегі 20 нысан мен коммуналдық меншіктегі 31 нысан, сондай-ақ квазимемлекеттік сектордағы 36 актив бар», – деп атап өтті ол.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл