БЖЗҚ-дағы зейнетақы жарналарының сомасы 800 млрд теңгеге жуықтады
Алматы. 04 желтоқсан. 7kun.kz — 2019 жылдың он айының қорытындысы бойынша БЖЗҚ-дағы зейнетақы жарналарының сомасы 799,7 млрд теңгені құрап, өткен жылдың осы кезеңімен салыстырғанда 16,1%-ға артты (688,5 млрд теңге). Мұндай деректерді ranking.kz ұсынды.
Бұл ретте салымдардың барлық түрлері бойынша ұлғаю байқалды.
Жарналардың көбею себептерінің бірі — халықтың зейнетақы жүйесіне деген сенім деңгейінің өсуі. Мысалы, 2019 жылдың қаңтар–қазан айларында ерікті зейнетақы жарналары 287,3 млн теңгені құрап, өткен жылдың сәйкес кезеңімен салыстырғанда 23,9%-ға өсті. Бұл көрсеткіш 2018 жылы жалпы жарна сомасынан 11% артық (258,8 млн теңге).
Сонымен қатар, міндетті зейнетақы жарналары 16,5%-ға, 763,3 млрд теңгеге дейін, ал міндетті кәсіптік зейнетақы жарналары 9,1%-ға, 36,1 млрд теңгеге дейін өсті.
Осы жылдың қаңтар-қазан айларында БЖЗҚ-дан төленген зейнетақы төлемдерінің мөлшері 170,3 млрд теңгені құрады — өткен жылмен салыстырғанда (143,4 млрд теңге) 18,7%-ға артық. 2018 жылы төлем сомасы 168,6 млрд теңгеге жетті.
Сондай-ақ, жыл басынан салымшылардың жеке зейнетақы шотына есептелген таза инвестициялық кіріс 551,1 млрд теңгені құрады. Бұл ретте 2019 жылғы қазанның соңындағы жағдай бойынша БЖЗҚ салымшылары үшін соңғы 12 айдағы зейнетақы активтерінің табыстылығы 5,5% мөлшеріндеғі инфляция кезінде 8,0%-ға жетті. Осылайша, соңғы 12 айда БЖЗҚ зейнетақы активтері бойынша нақты табыстылық 2,5%-ға тең болды.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл