Бұл соғыс қашан аяқталары белгісіз – НАТО

15:31, 26 мамыр 2022
588

Алматы. 26 мамыр. 7kun.kz – НАТО-ның бас хатшысы Йенс Столтенберг Украинадағы соғыстың қашан және қандай жағдайда аяқталатынын нақты болжау мүмкін емес екенін Rzeczpospolita басылымына айтты, деп хабарлайды 7kun.kz.

Rzeczpospolita басылымына сұқбат берген Йенс Столтенберг НАТО-ның алдында екі міндет тұрғанын мәлімдеді. Оның бірі: Украинаға қолдау көрсету, екіншісі: эскалацияны болдырмау, яғни соғыстың күрделеніп, ары қарай таралуына жол бермеу.

«Соғыс туралы нақты болжам айту қиын. Ешкім сенімді түрде оның қашан аяқталатынын айта алмайды. Біздің басты міндетіміз — НАТО елдерінде тұратын барлық одақтастарды, бір миллиард адамды қорғау. Украинадағы соғыс жиіркенішті әрі қатыгездіктің көрінісі. Біз бейбіт тұрғындар арасында құрбан болғандарды, бомбалауды, қираған, ойран болған қалаларды көріп жатырмыз. Бұл соғыс НАТО мен Ресей арасындағы толыққанды соғысқа айналса, ол одан да көп зиян келтіреді» — деді Столтенберг.

Бас хатшының айтуынша, НАТО сол себепті соғысқа тікелей араласпай, тек Украинаның егемендігі мен аумақтық тұтастығын қолдайтынын білдіріп жатыр.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!