Белгілі бизнесмен Ұлттық банкке 24,9 млрд теңгені қайтаратын болды

10:33, 15 ақпан 2019
387

Алматы. 15 ақпан. 7kun.kz – Алматы қалалық соты Дінмұхамет Ыдырысовтың қарызы туралы
аппеляциялық істі қарап, Ұлттық Банктің өтінішін қанағаттандырды. Енді бизнесмен Ұлттық банкке 24,9 млрд теңге қайтаруы тиіс.

2017 жылдың мамыр айында Qazaq Banki акционері Дінмұхамет Ыдырысовтың кепілдігімен реттеушіден 85 млрд теңге алған. Іс материалдары бойынша 2017 жылдың 31 мамырында реттеуші мен Qazaq Bankі арасында жалпы сомасы 85 млрд теңге болатын несиелік келісім жасалды. Ұлттық Банк 2 траншқа 3 ай мерзімге қаржы бөлді. Кейінірек, 2017 жылғы 9 тамызда проблемалық ЕДБ акционері реттеушіге нотариуспен әзірленген кепілдік міндеттемелерін ұсынды. Қарыз алушы қарызды өтеу бойынша өз міндеттемелерін ішінара орындағанын атап өткен жөн. Несиені қайтару мерзімі бірнеше рет ұзартылғанына қарамастан, Ұлттық банк 24,9 млрд теңге төлемеген.

«Ұлттық банк кепілдік шартына қол қоюы тиіс пе немесе кепілдік міндеттемелері осындай күшке ие ме? Бірінші сатыдағы сотта Ыдырысовтың өкілдері қандай да бір өзара қарым-қатынас үшін арнайы келісім-шарт жасалуға тиіс екенін айтты», – деп сұрады сот Ұлттық Банктің заңгерлерінен.

«Ыдырысов бізге ұсыныс жасады, Ұлттық Банк кепілдеме ретінде қабылданған ұсыныстарды қабылдады», – деп түсіндірді қадағалау органының заңгері Саят Жұмабаев.

Ыдырысовтың өзі немесе оның өкілдері апелляциялық алқа отырысына келмегендіктен, судьяның сұрағына жауап бере алмады. Бірақ өткен жылдың желтоқсанында олар процеске қатысып, Медеу аудандық сотына олардың клиенті жаңылыстырған деп сендірді.

«Сот Ыдырысов қарыздың барлық шарттары туралы хабардар болған жоқ деп қаулы етті. Біздің ойымызша, бұл қорытындылар негізсіз болып табылады. (…) Идрисов кепілдік міндеттеме берген сәтте Qazaq Banki АҚ-ның қаржылық проблемалары бар және сауықтыру процедурасында екенін білді. Жоғарыда айтылғандардың негізінде Медеу аудандық сотының 2018 жылғы 29 желтоқсандағы шешімінің күшін жойып, Ұлттық Банктің талабын қанағаттандыру туралы және арнайы мақсаттағы қарыз шарты бойынша берешек сомасын өндіріп алу туралы жаңа шешім шығаруыңызды сұраймын», – деп түйіндеді Саят Жұмабаев.

«Бірінші сатыдағы соттың шешімін келесі жағдайлар бойынша заңсыз және негізсіз деп санаймыз: Қазақстан Республикасының азаматтық заңнамасына сәйкес, заем беруші өз міндеттерін орындау үшін мүліктің есебінен кепілгерге көрсетуге құқылы. Бұл оның құқығы болып табылады», – деді прокурор.

Нәтижесінде, сот Дінмұхамет Ыдырысовтың 24,9 млрд теңге көлеміндегі қарыз сомасын өндіріп, бірінші сатыдағы сот шешімінің күшін жоюға қаулы етті.

Бұл шешім кассациялық тәртіпте қайта қаралуы мүмкін.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!