Арыстағы жарылысқа байланысты 20 жолаушылар пойызы тоқтатылды

11:45, 25 маусым 2019
185

Алматы. 25 маусым. 7kun.kz — Арыс қаласында төтенше жағдайға байланысты 20 жолаушылар пойызы тоқтатылды. Бұл туралы «Жолаушылар тасымалы» АҚ баспасөз қызметі хабарлады.

«Түркістан облысының Арыс қаласындағы төтенше жағдайға байланысты «Жолаушылар тасымалы» АҚ Шымкент – Арыс – Тимур және Сарыағаш – Арыс – Шымкент учаскесінде жолаушылардың қауіпсіздігін қамтамасыз ету үшін келесі мәліметтерді хабарлайды. Жедел штаб құрылды, арнайы режимде жұмыс ұйымдастырылды. Шымкент, Түркістан, Түлкібас, Тараз, Шу, Шиелі және Қызылорда қалаларында жеті ірі станцияда барлығы 20 жолаушылар пойызы тоқтатылды (пойыздарда барлығы 8121 жолаушы). Ірі теміржол вокзалдарында жолаушыларды орналастыру, тамақ және ауыз сумен қамтамасыз ету, сондай — ақ құрамдарды дизельді отынмен қамтамасыз ету ұйымдастырылды», — делінген хабарламада.

Бұдан басқа, жолаушылардың талабы бойынша жол жүрудің тоқтатылуына байланысты жол жүру билеттерінің ақшасын қайтару жүргізіледі.

«Барлық вокзалдарда жол жүру құжаттарын қайтару, анықтамалық ақпарат беру және т.б. жұмыстарын жүргізу үшін тәулік бойы кезекшілік ұйымдастырылды. БАҚ-да, вокзалдарда, оның ішінде қатты байланыс бойынша үнемі хабарландыру және пойыздарда жолаушылармен түсіндіру жұмыстары жүргізіледі. Түркістан, Жамбыл және Қызылорда облыстарының жергілікті атқарушы органдарымен бірлесіп Тараз, Шымкент, Түркістан және Қызылорда қалалары арасында 1500-ден астам жолаушыны автокөлікпен тасымалдау жүзеге асырылды. 2 мыңнан астам жолаушыны тасымалдау үшін Түркістан станциясынан Шымкент станциясына және кері қарай Түркістан — Маңғыстау, Ақтөбе, Саратов және Шымкент — Тараз, Алматы бағыттары бойынша пойыздарға жолаушыларды тасымалдау жүргізілді», — делінген хабарламада.

Сондай-ақ, Сексеуіл — Түркістан учаскесінде №42 Атырау — Алматы пойызының 430 жолаушысын тасымалдау үшін Қызылорда станциясынан Сексеуіл станциясына дейін 14 вагон (5 купе, 7 квадрат, 1 НЕ) жөнелтілді.

«8 мыңнан астам жолаушы Тараз, Шымкент және Түркістаннан пойыздармен және автобустармен тасымалданды. Ұлттық тасымалдаушы қалыптасқан жағдайға түсіністікпен қарап, 105 бірыңғай анықтама қызметінің телефоны бойынша кестелерді өзгерту бойынша ақпаратты нақтылауды сұрайды», — деп атап өтті «Жолаушылар тасымалы»АҚ.

Источник: 7kun.kz


Пікір