Алматыда 90-нан астам «ақылды» бағдаршам пайда болады
Алматы. 21 қаңтар. 7kun.kz — Алматы әкімдігі жол қозғалысын басқарудың автоматтандырылған жүйесін енгізу мен пайдаланудың жаңа ережелерін әзірлеп жатыр. Бұл туралы мегаполис әкімдігінің баспасөз қызметі хабарлады.
Қазақстан Республикасының «Алматы қаласының ерекше мәртебесі» Заңының аясында әзірленетін ережелер қаланың бағдаршам жүйесін модернизациялауға мүмкіндік береді. Биылғы жылы 93 бағдаршам зияткерлік көлік жүйесімен жарақтандырылады.
«Бұл құзырет қала тұрғындарының, мамандардың пікірін және халықаралық тәжірибені ескере отырып әкімдіктің бастамасы бойынша қолға алынуда. Осы мәселеге қатысты жүргізілген зерттеулер бағдаршамдарды жол жағдайларына қарай бейімдеу қажет екенін көрсетті», — делінген әкімдік хабарламасында.
Алматы қаласы мобильділік басқармасы басшысының орынбасары Қанат Байғоныровтың ақпараты бойынша, 2020 жылы бірінші кезеңде зияткерлік жүйемен 93 бағдаршамды жабдықтау жоспарланып отыр. Қалған бағдаршамдар 2022 жылдың соңына дейін жабдықталады.
«Ақылды» бағдаршамдар жолдардағы қозғалысты өзі реттейді, қондырғы жүргізушілер үшін қолайлы уақытты (20 немесе 30 секунд) болжай алады. Сонымен қатар, бағдаршамдардың зияткерлік жүйесі жолақтар, бағыттар бойынша көлік санын автоматты түрде санап, көлік жылдамдығын анықтайды.
«Көлік ағынын тіркейді және сыртқы әсерсіз жол қозғалысын реттейтін болады. Осылайша, бағдаршамдар жолдардағы жағдайларға бейімделеді», — деді Қанат Байғоныров.
Нәтижесінде «ақылды» бағдаршамдар «жасыл дәлізді» құрады және қозғалыс әлеуетіне басымдық береді, ең алдымен қозғалыстың үлкен ағынын азайтуды басшылыққа алады әрі қоғамдық көлік қозғалысына ықпал етеді.
Мұндай зияткерлік жүйені енгізу қаладағы жол қозғалысына қатысты проблемаларды шешуге, жолдардағы кептелістерді азайтуға, көше-жол желісінің өткізу қабілетін арттыруға әрі апатты жағдайларды азайтуға көмектеседі деп күтіліп отыр.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл