«Алматы» телеарнасы 20-жылдық мерейтойын атап өтеді

14:43, 15 қараша 2019
479

Алматы. 15 қараша. 7kun.kz — Айтулы мереке 23 қараша күні сағат 16.00-де «Медеу» мұз айдынында өтеді.  

Кеште танымал эстрада жұлдыздары  Әлішер Кәрімов, Бүркіт пен Аиша, Сивиетта Махмуди, Бейбіт Көшқалиев, Серікбол Сайлаубек әннен шашу шашып, ең үздік әндерін тарту етеді.

Ал «Q-pop»,  «CrystalZ», «Оtty», «MalikaYes», «MayBo» және «Бұйра» топтары да бұрын-соңды еш жерде орындалмаған жаңа әндерінің тұсауын кеседі.

«Алматы» телеарнасын  құттықтау үшін Қазақстанның белгілі мәдениет және спорт қайраткерлері арнайы келеді.   

Кеш  қонақтары Алматы қаласы мен телеарна тарихына негізделген қызықты ұтыс ойындарына қатысып, жеңімпаздар бағалы сыйлықтармен марапатталады. 

«Медеуге» кіру  билеттерін ticketon.kz немесе kassir.kz  онлайн кассасынан сатып алуға болады.                                                                                           

Анықтама: Тарихы 1999 жылдан бастау алатын «Алматы» арнасы  бүгінде еліміздің барлық өңірлерін қамтыған. Телеарна цифрлық жүйемен хабар таратады.  «Отау ТВ» спутниктік теледидары арқылы бізді Қазақстанның кез келген бұрышынан көруге болады.  Хабар таратудың орташа тәуліктік уақыты – 19 сағат, оның 55% — ы мемлекеттік тілде жүзеге асырылады. Телеарнаның   Нұр-Сұлтан қаласында тілшілер қосыны бар. Одан бөлек, Оңтүстік Қазақстан, Ақтөбе, Қарағанды, Қостанай және Солтүстік Қазақстан облыстарындағы серіктестерімен тығыз байланыс орнатқан.   

«Алматы» арнасы кино сүйер қауымға шытырман оқиғалы фильмдерді, махаббат мелодрамаларын, қызықты комедиялық телехикаяларды ұсынып келеді.  Ал, жексенбі күндері заманауи үздік туындылармен қоса алтын қордан алынған классикалық кинофильмдерді көре алады. Мереке күндері тікелей эфир арқылы ойын-сауық шаралар мен концерттер көрсетіліп, көрермен көңілін аулайды. 

Бүгінде «Алматы» телеарнасы қала тұрғындарын толғандырған өзекті мәселелерге мән беріп, шешімін бірге табуға барын салуда.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!