Алматы әуежайын түрік компаниясы сатып алуы мүмкін

Алматы. 12 қараша. 7kun.kz — Индустрия және инфрақұрылымдық даму министрі Бейбіт Атамқұлов Алматы халықаралық әуежайының сатылуы туралы ақпаратқа түсініктеме берді.

«Қазір бір түрік компаниясымен келіссөздер жүріп жатыр. Мен қазір түсініктеме бере алмаймын, бұл әлі аяқталмаған мәміле», — деді ол Үкімет отырысында.

Министр Алматы әуежайы жеке меншікте екенін, сондықтан активті іске асыру жүріп жатқанын атап өтті.

Бейбіт Атамқұлов келісім жасалған жағдайда әуежайда қызмет көрсету сапасы жақсарады, сондай-ақ қосымша инвестициялар тартылады деп санайды.

«Менің білуімше, басқаруында бірнеше әуежайы бар компания келеді, Франциядағы екі әуежай», — деді министр.

Оның айтуынша, Алматы әуежайы — Орталық Азиядағы ең ірі әуежай және жолаушылар терминалын жаңғырту және қайта жаңарту қажет.

«Алматы әуежайы арқылы жолаушылар тасымалы жыл сайын артып келеді. Оның үстіне жақында Министрліктің «ашық аспан» туралы бұйрығы қабылданды, бұл бағыттар санын ұлғайтуға мүмкіндік береді. Осы аптада Доха бойынша келіссөздер аяқталды. Алматыда күн сайын желтоқсанның ортасынан бастап Катар авиажелілерінің 7 рейсі, Нұр-Сұлтанда да 7 рейс болады. Тағы 7 жүк рейсі болады. Бұл біздің азаматтарымызға Доха арқылы қосымша бағдар таңдауға мүмкіндік береді, бұл баға мен қызметтерге әсер етеді», — деді Бейбіт Атамқұлов.

Министр, сондай-ақ, әуежайдағы қызметтер құнының мәселесіне түсініктеме берді.

«Біз жағдай пен қызметтер ЭЫДҰ стандарттары деңгейінде, яғни тиісті тарификация жасауға, авиатасымалдаушылардың қызметтеріне бағаларды орташаландыруға мүмкіндік беретін халықаралық немесе еуропалық стандарттарға сәйкес ұсынылуын жақтаймыз. Бұл әуетасымалдаушылар үшін белгілі бір кезеңде болжауға мүмкіндік береді », — деді Бейбіт Атамқұлов.

Источник: 7kun.kz