Alibaba компаниясының негізін қалаушы Джек Ма компания басшысы қызметінен кетті

14:48, 10 қыркүйек 2019

Алматы. 10 қыркүйек. 7kun.kz – Alibaba компаниясының негізін қалаушы Джек Ма ресми түрде қытайлық компанияның директорлар кеңесінің төрағасы қызметінен кетті. Бұл туралы РБК Bloomberg-ге сілтеме жасап хабарлайды.

Оның орнына қазір бас директор Дэниэл Чжан компанияны басқарады. Қызметтің ауысуы нақты 1 жыл бұрын, Джек Ма отставкаға кететінін мәлімдеген кезде жоспарланған болатын. Сарапшылардың пікірінше, Джек Ма корпорацияның істерінен толығымен бас тартпайды және шешім қабылдауда үлкен рөл атқарады.

«Қазіргі уақытта Чжан Джек Маның көмегінсіз кез-келген маңызды шешім қабылдауы екіталай», — деді Шанхайдағы Kaiyan Capital инвестициялық және консалтингтік фирмасының басқарушы директоры Брок Сильверс.

55 жастағы Джек Ма, бұрын хабарлағандай, қазір зейнетке шығады. Соңғы бір жыл ішінде ол өз билігін Дэниэл Чжанға берді. Джек Маға кеткеннен кейін директорлар кеңесінде орын босайды.

Alibaba 1999 жылы құрылды. Бүгінгі күні ол электрондық коммерция және сандық төлемдер бойынша әлемдегі ең ірі компания болып табылады.

Источник: 7kun.kz

Подписывайтесь на наш Telegram-канал. Будьте в курсе всех событий!
Мы работаем для Вас!