АҚШ инвесторы 200 млн доллардың жобасын іске қосады

10:50, 19 шілде 2019
302

Алматы. 19 шілде. 7kun.kz — Атырау облысында каталитикалық крекинг катализаторлары өндірісін жолға қоюды жоспарлап отыр. Жобаның құны 200 миллион АҚШ долларын құрайды.

Өңірлік кәсіпкерлік және индустриялық-инновациялық даму басқармасының хабарлауынша, америкалық W. R. Grace & Co компаниясының жобасы төрт кезеңде жүзеге асырылады.

Олардың ақпаратына сәйкес, алдымен бірлескен кәсіпорын құрылады. Содан кейін 2020 жылы катализаторлар мен қазақстандық шикізатты сынайтын зертхана салу жоспарланып отыр. Сондай-ақ компания катализаторларды өндіру үшін қажетті пайдалы қазбаларды зерттеу мен өндіруді жоспарлаған.

2021 жылы жобаның техникалық-экономикалық негіздемесін әзірлеу басталады. Ал 2022-2025 жылдары крекинг катализаторын өндіретін зауытты салу және іске қосу жоспарланды.

«Жобаның құны 200 миллион долларға бағаланды. Оның қуатты жылына 20 мың тонна катализаторларды құрайды», — деді ведомствода.

Дайын өнімді қазақстандық мұнай өңдеу зауыттарына жеткізу жоспарланып отыр. Сондай-ақ Түркіменстан, Әзірбайжан, Беларусь және Иран нарықтары қарастырылуда.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!