Аграрлық кредиттік корпорацияның экс-басшысы қамауға алынды

«Аграрлық кредиттік корпорация» АҚ экс-Басқарма төрағасы Нармұхан Сарыбаев жемқорлыққа қатысы бар деген күдікпен екі айға қамауға алынды.

Тергеу Сарыбаев басшылық еткен тұста компанияның 5,3 миллиард теңгені банктегі депозитте сақтағанын, бұл үшін келісім агенті болған және депозит тартқаны үшін 53,5 миллион теңге банктік сыйақы алған жеке тұлғадан 11 млн теңгеден астам пара алған деп отыр.

Ол сондай-ақ 2019 жылы «Оңтүстік аймақтық инвестициялық орталық» ЖШС басқарма төрағасы болып тұрған кезде 1,5 миллион теңге пара алды деп күдікке ілініп отыр.

Источник: 7kun.kz