2017 жылғы 1 желтоқсанға еліміздегі халық саны 18 137,3 мың адамды құрады
Алматы. 17 қаңтар. 7kun.kz – 2017 жылғы 1 желтоқсанға еліміздегі халық саны 18 137,3 мың адамды құрады. Соның ішінде қалалықтар – 10 413,2 мың (57,4 пайыз), ауылдықтар – 7 724,1 мың адамды (42,6 пайыз) құрады. 2016 жылғы 1 желтоқсанмен салыстырғанда, халық саны 231,3 мың адамға, 1,3 пайызға өсті, деп хабарлайды ҚР Ұлттық экономика министрлігі.
АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2017 жылғы қаңтар-қарашада туылғандар саны 359,6 мың адамды құрады. Бұл 2016 жылғы қаңтар-қарашаға қарағанда 4,9 пайызға аз. Туудың жалпы коэффициенті 1000 адамға 21,78 туылғандарды құрады.
Қарастырылып отырған кезеңде қайтыс болғандар саны 119,8 мың адамды құрады. Бұл 2016 жылғы қаңтар-қарашаға қарағанда 1,3 пайызға кем. Өлім-жітімнің жалпы коэффициенті 1000 адамға 7,26 қайтыс болғандарды құрады.
2017 жылғы қаңтар-қарашада республикада 1 жасқа дейінгі 2896 нәресте өлімі тіркелді.
Нәресте өлім-жітімінің негізгі себебі – перинаталдық кезеңде пайда болатын жағдайлар. Бұдан 2017 жылғы қаңтар-қарашада 1455 нәресте қайтыс болып, нәрестелер арасындағы жалпы өлім санының 50,2 пайызын құрады. Туа біткен ауытқулардан 682, тыныс органдары ауруларынан – 177 және жазатайым жағдайдан, уланудан және жарақаттан – 156 нәресте қайтыс болды. 2017 жылғы қаңтар-қарашада нәресте өлім-жітімінің коэффициеті 1000 туғандарға шаққанда 8,05 құрады.
Көші-қон қызметі органдары ұсынған мәліметтерді өңдеу нәтижесінде, 2017 жылғы қаңтар-қарашада елімізге тұрғылықты тұруға келгендердің тіркелу саны 2016 жылғы қаңтар-қарашамен салыстырғанда 21,2 пайызға көбейіп, 14 528 адамды құрады. Елімізден кеткен көшіп-қонушылардың тіркелу саны 8,0 пайызға артып, 35 158 адамды құрады. Көші-қонның айырымы 20 630 адам болды.
Еліміздегі негізгі көші-қон алмасуы ТМД мемлекеттерімен байланысты.
- ТМД елдерінен келгендердің үлесі 71,4 пайыз;
- ТМД елдерге кеткендердің үлесі 89,5 пайыз.
Өңіраралық көшіп-қонушылардың үлесіне еліміздің жалпы ішкі көшіп-қонушылар санының 35,4 пайызын кұрады. Өңіраралық көші-қонның оң айырымы:
- Астана қаласы – 35 257адам;
- Алматы қаласы – 28 906 адам;
- Ақмола облысы – 1 534 адам қалыптасты.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл