$2 миллиард ұрлағаны үшін 40 000 жыл түрмеде отыруы мүмкін: Интерпол Thodex криптовалюта биржасының басшысын ұстады
Түркия. 2 қыркүйек. 7kun.kz – Түркияның ішкі істер министрлігі іздеуде жүрген Thodex криптовалюта биржасының бас директоры Фарук Фатих Озердің Албанияда ұсталғанын хабарлады. Ол Интерполдың «қызыл тізіміне» енген, әлемде ең көп іздеуде жүрген адамдардың бірі, деп хабарлайды 7kun.kz.
Оны қамауға алу себебі – Thodex биржасының кенеттен тоқтап қалуымен байланысты. Соның салдарынан жүздеген мың клиенттер өз шоттарына қол жеткізе алмай қалған. Қолда бар мәліметтер бойынша, 390 мың адам зардап шегіп, инвесторлардың жалпы шығыны 2 миллиард долларға бағаланды.
Интерпол Озерді Түркияға қайтару процесі басталғанын хабарлады. Оны сот күтіп тұр. Жергілікті прокурорлар биржа басшысын өмір бойына бас бостандығынан айыруды көздеп отыр. Дәлірек айтқанда, олар оған 40 564 жыл бергісі келеді.
2017 жылы негізі қаланған Thodex 2021 жылдың сәуірінде саудада төрт-бес күндік үзілісті қажет ететін анықталмаған сыртқы инвестицияларға сілтеме жасап, сауда-саттықты кенеттен тоқтатты. Бір күннен кейін Озер компания кибершабуылдарға байланысты сауданы тоқтатуға мәжбүр болғанын хабарлады, бірақ клиенттердің қаражаты қауіпсіз екенін және ақшаны инвесторларға жақын арада қайтаруға уәде берген болатын.
Сол күні түрік полициясы 62 адамды қамауға алып, компанияның компьютерлерін тәркілеп, есепшоттарын бұғаттады. Осы кезде Озер Албанияға қашып үлгерді, бірақ Түркия үкіметі оны экстрадициялауға тырысты. Алайда бұл оңай болған жоқ, процесс бірнеше айға созылды. Дегенмен ол Албанияның жағалауда орналасқан Влерде қаласынан табылды. Озердің жеке басы биометриялық мәліметтер арқылы расталды.
Thodex жабылмас бұрын 2021 жылдың сәуірінде АҚШ-тың Kraken биржасына 125 миллион доллар биткоин аударғаны анықталды.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл