200-ден астам компания Қазақстандағы ТҚЖБ-ін жекешелендіруге ниет білдірді

Алматы. 17 қаңтар. 7kun.kz – 200-ден астам компания Қазақстандағы Тұрғын үй құрылыс жинақ банкін жекешелендіруге ниет білдірді. Бұл туралы үкіметтің отырысында «Бәйтерек» ұлттық басқарушы холдингі» АҚ басқарма төрағасының орынбасары Ғалымжан Тәжияқов мәлімдеді.

«Тұрғын үй құрылыс жинақ банкін жекешелендіруге қатысты келесі қадамдар жасалды. 2017 жылдың мамыр айында инвестор іздеуге және мәмілеге қолдау көрсетуге арналған «Шольц фон Гляйх» қаржылық кеңес беруші компаниясымен келісім жасалды. Консультанттарға инвестициялық ұсыныстарды беру үшін әлеуетті инвесторларға бастапқы қызығушылығы 249 болған 420 сұраныс жіберілді», – деді Ғалымжан Тәжияқов.

Сондай-ақ, ол 2017 жылдың соңында инвесторлармен одан әрі жұмысының нәтижелері 14 әлеуетті инвесторлардың, соның ішінде жеті халықаралық қаржы институттарының ортақтастығын анықтағанын атап өтті.

«Бүгінгі күні инвесторлар банктің жан-жақты сараптамасын жүргізу процесін бастады. Бұл үдерісті 2018 жылдың 1 шілдесіне дейін аяқтау жоспарланады. Соған сәйкес 2018 жылдың қыркүйегінде соңғы мүдделі инвесторлардан қорытынды ұсыныс күтеміз. Қаржы жабу 2018 жылдың соңына дейін қарастырылған», – деді Ғалымжан Тәжияқов.

Источник: 7kun.kz