Қазақстанға Ресейден криминал-көліктер келіп жатыр
© Сурет: видеодан кадр
Ресейден жеткізілген көліктерді сатып аларда сақ болыңыз! Бағасына қызығамын деп басыңыз бәлеге қалуы мүмкін. Өйткені, көршімізден әкелінген кейбір темір тұлпарлар ұрланған. Криминалдық полиция департаменті басшысының орынбасары Қанат Нұрмағамбетовтың айтуынша, қулығына құрық бойламайтындар көлікті Ресейде лизингке немесе кредитке рәсімдеп алады да, алғашқы бірнеше ай бойы ақшасын төлеп жүреді екен. Бірақ артынан кредит рәсімдегендер көлікті Қазақстанға алып келіп, сатып жіберетін көрінеді.
Қанат Нұрмағамбетов, ІІМ криминалдық полиция департаменті бастығының орынбасары:
Ресейлік әріптестерімізбен жұмыс жасағанда осындай қылмыстардың көбейгенін байқап отырмыз. Осылайша қылмыскерлер барлық құжатын сатып алған адамға жазып бере салады. Ал лизингтік компания төлем түспегеннен кейін көлікті іздей бастайды. Құқық қорғау органдарына жүгінеді. Содан кейін ғана іздеу жарияланады. Жалға алынған көліктер де тура сондай жолмен сатылып жатады.
Елімізде де жағдай жетісіп тұрған жоқ. Ішкі істер министрлігінің мәліметінше, жыл басынан бері автокөлікті ұрлаумен айналысқан 749 адам және 17 қылмыстық топ ұсталған. Бөгденің темір тұлпарын қолды қылған оқиғалардың көбі Алматыда болған. Одан кейін Алматы облысы және Қостанай өңірі тұр. Ал елімізде жиі ұрланатын автомобильдер – Мерседес, Тойота, Мазда екен.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:51, 17 желтоқсан 2021
Алматы облысындағы республикалық тас жол қолайсыз ауа райына байланысты жабылды
-
19:22, 7 желтоқсан 2021
Ақмола облысында орын алған жаппай жол апаты салдарынан 10 адам зардап шекті
-
16:42, 7 желтоқсан 2021
Қарағандыда бірнеше көлік жол жиегіне ұшып кетті
-
15:42, 3 желтоқсан 2021
Tesla балалар көлігін шығарды
-
00:00, 2 желтоқсан 2021
Жазғы дөңгелекпен жүрген жүргізушілер айыппұл төлеп жатыр