Бір жыл утильсбор төлеймін – Алматыда 18 деген алғашқы сары нөмір берілді

09:17, 3 ақпан 2020
1661

Алматыда алғаш рет ЕАЭО елдерінен келген автокөлік тіркелді, - деп хабарлайды zakon.kz.

Алматы қалалық әкімшілік полицияның мәліметінше, "Саялы" ықшамауданындағы №1 мамандандырылған ХҚКО-да республика бойынша алғаш рет Ресейден Қазақстанға әкелінген көлік тіркелді.

Көлігін тіркеген – 37 жастағы алматылық Владимир Баев. Ол Renault маркалы көлігін тіркеді. Көлік иесіне сары түсті тіркеу белгісі берілді.

Бүгін автоХҚО-ға келіп, Ресейден әкелген автокөлігімді Қазақстандағы уақытша тіркеуге қойдым. Көлігімді толық тіркеуге қою үшін енді бір жыл бойы утилизацияның ақшасын төлеймін. Құжаттарым тез жасалды, бәріне 20-30 минут уақыт кетті, - деді Владимир Баев.

Айта кетсек, 1 ақпанда Қазақстанда ЕАЭО елдерінен әкелінген көліктерді уақытша тіркеу басталды. Ақпанда елдегі барлық мамандандырылған ХҚКО-лар демалыссыз жұмыс істейді, бірақ жексенбіде тек көлікті уақытша тіркеуді рәсімдейді.

Сонымен қатар, ЕАЭО көліктерін тіркеу мәселелері бойынша қалалық әкімшілік полиция жанынан call-орталық құрылған, оның нөмірі 8-747-080-01-56 (қоңырауларды жұмыс күндері сағат 09:00-ден бастап 19:00-ге дейін қабылдайды).


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір