Автопилот «қуып кетті». Tesla Model S ағашқа оңбай соғылды

09:46, 20 сәуір 2021
2403

© Сурет: kolesa.kz

Tesla-дағы автопилотқа сеніп, апатқа ұшырап жатқандар туралы жиі айтылады. Алайда Техаста болған жағдайды ерекше оқиға десе болатын сияқты, дейді kolesa.kz.

Мәлімет бойынша Техас штатына қарасты Спринг қаласында Tesla Model S дер кезінде бұрыла алмай, жолдан шығып кеткен. Электромобиль ағашқа соғылып, артынша жана бастайды. Оқиға орнына жеткен өрт сөндірушілер жалынды өшіре алмай, Tesla мамандарымен кеңесуге мәжбүр болады. Отпен 4 сағаттай алысқан құтқарушылар 113.6 мың литр су жұмсаған.

Жол апатынан екі адам көз жұмды. Полиция олардың екеуі де апат болған сәтте рөлде отырмағанына сенімді. Шамасы электромобиль жүргізуші басқаруынсыз, автопилотпен қозғалған болса керек. Қайғылы оқиғаның мән-жайын тәртіп сақшылары анықтайды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір