Алматыда түнгі таксист апатты жағдай туғызып, өзі қашып кетті

10:09, 22 қаңтар 2021
2880

Алматыдағы Сейфуллин даңғылының бойында, Дегтярев көшесінен сәл төмен жерде көлік аударылды, деп хабарлайды zakon.kz тілшісі.

Nissan жүргізушісі Сейфуллиннің бойымен жолдың оң жағымен солтүстік бағытта асықпай келе жатқанын айтады. Сол жағында Яндекс.Такси деген жазуы бар көлік те келе жатқан екен. Кенет жол жиегінде қол көтерген клиентті байқаған әлгі таксист күрт оңға ойыса жөнелгенде мұндай сұмдықты күтпеген Nissan жүргізушісі қарсы жолаққа қарай қашамын деп, көлігіне ие бола алмай қалды.

Сырғанаған күйі бордюрге соғылған көлік аударылып, ағашқа бір соғылып, Royal Petrol жанармай бекетінің жарнамалық стеласын талқандап барып бірақ тоқтады.

Жүргізуші жарақаттан аман екен. Ал әлгі таксист оқиға орнынан кетіп қалған көрінеді.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір