Алматы облысында жүргізушілер белдік тақпай, рөлде телефонмен сөйлеседі

15:50, 28 сәуір 2021
2946

© Сурет: видеодан кадр

20-30 сәуір аралығында Алматы облысы аумағында "Қауіпсіз жол" жедел алдын алу шарасы өтіп жатыр. Шара басталған алғашқы жеті күнде полицейлер 12.6 мыңға жуық ереже бұзушылықты анықтады. Ең көп кездескені — қауіпсіздік белдігін тақпау, дейді kolesa.kz.

Әкімшілік кодекстің 593-бабы 2-тармағына сәйкес қауіпсіздік белдігін пайдалану талаптарын сақтамағандардың атына 1 742 хаттама толтырылды. Жүргізушілерге мұндай тәртіпсіздігі үшін 5 АЕК айыппұл салынады. Бір жыл ішінде қайталанса, 10 АЕК төлейді.

Жолда телефон қолданатын жүргізушілер де аз болған жоқ. Жеті күнде мұндай ереже бұзу оқиғасының 1047-сі тіркелді. Үшінші орында — жаяу жүргіншіге жол бермеу. 216 жүргізуші осы талапты бұзғаны үшін айыпталды. Айта кетерлігі, бір аптада полицейлер жылдамдықты асырған 20 адамға ғана айыппұл салды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!