A-Parking: Алматының тұрақтары 15 сәуірге дейін ғана тегін болады

16:17, 20 наурыз 2020

Алматыдағы эпидемиологиялық жағдай мен карантиндік шараларға байланысты A-Parking басқаруындағы барлық қалалық автотұрақтар 21 наурыздан 15 сәуірге дейін ақысыз, тегін болады, деп хабарлайды zakon.kz компания таратқан хабарламаға сілтеме жасап.

Тұрғындардан тұрақ ережелерін сақтау сұралады, атап айтқанда:

• Көлігіңізді белгі қойылған тиісті жерге қойыңыз және автомобильдер арасындағы қашықтықты сақтаңыз

• Көлік қоюға арналған орынға ғана көлігіңізді тізгіндеңіз

• Төтенше жағдайлар қызметі үшін өтуге болатын жолдарды жаппаңыз

• Көлігіңізді тыйым салынған екінші жолға қоймаңыз

Қалалық автотұрақтардағы құқық бұзушылықтардың алдын-алу мен бақылауды Алматы қаласының Жол полициясы басқармасы жүзеге асырады.

Естеріңізге сала кетейік, Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты ҚР Президентінің "Қазақстан Республикасында төтенше жағдай енгізу туралы" 2020 жылғы 15 наурыздағы №285 Жарлығының негізінде, халықтың өмірі мен денсауығын сақтау үшін еліміздің барлық аумағында 2020 жылдың 15 сәуіріне дейін төтенше жағдай енгізілген болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!